ඕනෑ නැති විටකදි විදුලි බුබුලක් නිවලා යන්න
අපතේ යන්න දෙනු ඇයි ජල සම්පත සුරකින්න
වටිනා කමක් ඇති සීමීත මේ දේවල් රැකගන්න
වැඩිහිටි සැවොම ආදර්ශයෙන් මේ පෙන්වා දෙන්න
ගහ කොළ ඇළ දොළේ අගය හැමවිට පහදන්න
පරිසරයත් සමග ජිවත් වෙන හැටි කියලා දෙන්න
සතා සීපාවට මෙත් කරුණාවෙන් නිති සලකන්න
එය මග වේය යහපත් හෙටකට ලක දිදුලන්න
පොදු දේපල කඩලා බිදලන්න එපා
පොදු දේවල් සොරකම් කරනු එපා
යන යන තැන කුණු කර දමනු එපා
තිරිසන් සතුන් සේ වැඩ කරනු එපා
ණුවණැති අයගේ ඔවදන් නිති අසාගෙන
යන මග හදාගනු ජය ටැඹ සොයාගෙන
අසරණ අයත් කරුණාවෙන් බලාගෙන
සිට පුත හිතට එකඟව වැඩ කරාගෙන
යුතුකම් වඟකීම් හැම නිති ඉටු කරනු පුත
ලැබුණත් ගැරහුම්ම ලෝකෙන් ඉවසනු සිත
සවිමත් වෙමින් ඔසවනු වරදට එරෙහි අත
යහපත් ගුණ දහම් මිස නොයනුව වරද වෙත
මගේ තැන...............................
No comments:
Post a Comment
ඔබේ අදහසත් ලියා යන්න